Hılları Klınton Tramptyń ınaýgýratsııasyna dástúrdi syılaǵandyqtan qatysqanyn aıtty
ASTANA. QazAqparat - AQSh-tyń burynǵy Memlekettik hatshysy Hılları Klınton byltyrǵy prezıdenttik naýqan týraly memýarlarynyń shyǵýyna baılanysty suhbat berdi. Telesuhbatta Prezıdenttik saılaý týraly óz kózqarastarymen bólisti. Kitap "What Happened?" («Ne jaǵdaı boldy?») dep atalady. Bul týraly «Svoboda» radıosy habarlaıdy.
Klınton Tramptyń ınaýgýratsııa rásiminde dástúrdi syılaıtyndyqtan qatysqanyn jetkizdi. Sondaı-aq, ol jańa prezıdenttiń ınaýgýratsııalyq sózin aq rasısterge úndeý retinde sıpattady.
2016 jyly saılaýda Demokratııalyq partııanyń úmitkeri bolǵan Hılları Klınton prezıdenttikke qaıta saılaýǵa túsýge nıetti emes ekendigin málimdedi. Biraq bul onyń saıasattan ketetindigin bildirmeıdi.
