Hılları Klınton sáýirde 2016 jyly AQSh prezıdenttigine saılaýǵa qatysatynyn jarııalaıdy
ASTANA. QazAqparat - AQSh eliniń burynǵy memlekettik hatshysy jáne burynǵy birinshi hanymy Hılları Klınton sáýirde 2016 jyldyń qarasha aıynda ótetin kelesi prezıdenttik saılaýǵa qatysatyny týraly jarııalaıdy.
Bul týraly jeksenbi kúni The Wall Street Journal gazetiniń elektrondyq nusqasynda habarlady, dep jazady TASS.
Gazette atap ótilgendeı, prezıdenttik saılaý naýqanyn ótkizý úshin Klıntonnyń shtaby 1 mlrd-tan astam dollar jınamaqshy.
Obamamen 2008 jyly talasqa túsken 67 jastaǵy Klınton aldaǵy prezıdenttik saılaýǵa Demokratııalyq partııa atynan shyǵýy múmkin kandıdattardyń biri bolyp sanalady. Ol memlekettik hatshy qyzmetinen 2013 jyldyń basynda ketti.
Respýblıkalyq partııanyń atynan 2016 jyly shyǵýy múmkin kandıdattardyń arasynda Florıda shtatynyń burynǵy gýbernatory Djeb Býsh (burynǵy prezıdent kishi Djordj Býshtyń aǵasy), Nıý-Djersı shtatynyń gýbernatory Krıs Krıstı, senatorlar Marko Rýbıo, Rend Pol jáne Ted Krýz, Vıskonsın shtatynyń gýbernatory Skott Ýoker, Arkanzas shtatynyń burynǵy gýbernatory Maık Hakabı jáne kongressmen Pol Raıannyń esimderi atalady.
