Hılları Klınton óz laýazymynan ketetinin rastady
ASTANA. 27 qazan. QazAqparat - AQSh-tyń Memlekettik hatshysy Hılları Klınton 6 qarasha kúni ótetin prezıdenttik saılaýda kim jeńiske jetse de óz laýazymynan ketetini jóninde málimdedi. «Men ulyqtaý rásiminen keıin ketemin, meniń josparym osyndaı», - dep keltiredi syrtqy saıası vedomstvo basshysynyń sózderin The Washington Times.
H.Klınton bul sózderdi óziniń 65 jasqa tolǵan týǵan kúninde aıtqan. Saıasatker «qalǵan ýaqytyn óz ómirine arnaǵysy» keledi eken.
2011 jyly AQSh-tyń Memlekettik hatshysy prezıdenttik saılaýdan keıin qyzmetinen ketetini jóninde birneshe márte málimdegen bolatyn. Onyń málimdemesin zerdeleı kele, jýrnalıster H.Klınton saıasatty túpkilikti tastap ketkeli otyrǵan joq degen pikir bildirgen. Mysaly, The Washington Times tilshisimen bolǵan suhbatynda ol óziniń otstavkasy jóninde Barak Obamamen sóılespegenin atap ótken.
Óz kezeginde B.Obama H.Klıntondy joǵary baǵalap otyr jáne kabınettegi óz ornyn saqtap qalýǵa laıyqty dep esepteıdi.
Sońǵy aılary AQSh-tyń Lıvııadaǵy elshisiniń óltirilýi úlken ishki saıası daýǵa aınalyp úlgerdi. Demokrattardyń qarsylastary respýblıkandyq H.Klınton basqaratyn syrtqy saıası vedomstvony aqparat jasyrdy dep aıyptap otyr.
