Hılları Klınton Memlekettik hatshy laýazymyn tastap, Dúnıejúzilik bankti basqarýǵa nıetti
ASTANA. 10 maýsym. QazAqparat - AQSh Memlekettik hatshysy Hılları Klınton Dúnıejúzilik bank basshylyǵyna túsý úshin, 2012 jyly memlekettik hatshylyqtan ketpek.
Reuters agenttigi Aq úıdegi derek kózge silteme jasap osyndaı aqparat taratty, dep habarlaıdy RBK agenttigi.
"H.Klınton osy laýazymdy alǵysy keledi», - dep habarlady derek kózderdiń biri.
Derek kózdiń aıtýynsha, Memlekettik hatshy buǵan deıingi málimdemelerinde qazirgi qyzmetinde 4 jyldan artyq otyrmaıtynyn aıtqan eken.
Taǵy bir derek kózdiń aıtýynsha, H.Klıntonnyń bul nıetin AQSh Prezıdenti Barak Obama qoldap otyrǵan kórinedi. Biraq ta ázirge, Aq úı basshysynyń Klıntondy Dúnıejúzilik bank basshylyǵyna resmı taǵaıyndaýǵa kelisken-kelispegeni belgisiz jáne ol úshin atalmysh uıymǵa múshe 187 eldiń kelisimi taǵy kerek.
Biraq ta, Klınton hanymnyń baspasóz hatshysy Fılıpp Raıs joǵarydaǵy aqparatty teriske shyǵaryp otyr. Onyń aıtýynsha, memlekettik hatshylyqtan ketý týraly ázirge sóz bolyp otyrǵan joq.
