HІІІ Ulttyq Delfıı oıyndary bıyl Petropavlda ótpek
ASTANA. QazAqparat - 2017 jylǵy 1 qarashadan 5 qarashaǵa deıin elimiz úshin asa mańyzdy HІІІ Ulttyq Delfıı oıyndary ótpek.
Atalmysh oıyndar jyl saıyn túrli oblys ortalyqtarynda ótkiziledi. Bıyl mádenıet pen óner salasyndaǵy shyǵarmashylyq jarys Petropavlda ótpek.
«Bizdiń oblysta osyndaı aýqymdy jobanyń ótkizilýi oblystyń shyǵarmashylyq áleýetiniń damýyna jáne bıik óner arqyly jas býynǵa patrıottyq tárbıe berýge, ulttyq mádenıetti, mýzykalyq dástúrdi saqtaý men damytýǵa, mádenı murany molaıtyp, elimizdiń halqy arasyndaǵy mádenıaralyq dıalogyn júrgizýge asa kúshti túrtki bolatynyna senemiz», - dep atap ótti Soltústik Qazaqstan oblysy Mádenıet basqarmasynyń basshysyErmek Rahımov. 
Ulttyq Delfıı oıyndary ár túrli 20 qalalyq alańda ótkiziledi. Delfıılik qonaqtardy joǵarǵy oqý oryndary, kolledjder men óner mektepteri, teatrlar men jastar úıleri, sonymen qatar ǵylymı kitaphana men balalar shyǵarmashylyǵy ortalyǵy qabyldaıtyn bolady.
12 oblystan, Astana men Almatydan 600-den asa adam delfıılik altyn alqalardy ıelený úshin baq synasatyn bolady. Óıtkeni olardyń árqaısysy ózderiniń asqaq armandary - Halyqaralyq delfıı oıyndarynda bizdiń eldiń atynan shyǵý múmkindigin alý úshin baryn salýda.
Bıylǵy jyly qatysýshylar 18 nomınatsııa boıynsha synǵa túspek. Olardyń árqaısysynda jas erekshelikteri boıynsha birneshe toptar bar. Olardyń arasynda fortepıano, baıan, akkordıon, ulttyq aspaptar, teatr, halyq ánderin, akademııalyq, estradalyq ánderdi oryndaý, halyq bıi jáne zamanaýı bıler, foto sýret, telejýrnalıstıka, qysqa metrajdy kıno (vıdeorolıkter), beıneleý óneri, kıim dızaıny, dekoratıvti-qoldanbaly óner bar.
«Ulttyq Delfıı oıyndary - bul eń aldymen soltústik óńirdiń mádenı jáne ǵylymı dástúrlerin dáripteýge, erekshe jarqyn daryndardy tabýǵa, bizdiń jastardyń rýhanı baıýyna múmkindik týǵyzatyn "Rýhanı jańǵyrý" baǵdarlamasy aıasynda qoıylǵan tapsyrmalarǵa sáıkes keletin mádenı oqıǵa. 13-shi Ulttyq Delfıı oıyndarynyń aıryqsha ereksheligi - Ekinshi Paradelfıılik oıyndardyń estý qabileti buzylǵan balalarǵa arnalǵan "Horeografııa" men "Ishara tilinde án oryndaý" degen eki nomınatsııasy men jańa qosylǵan "Arbaǵa tańylǵan jandar bıi" nomınatsııasynyń tusaýyn kesý» - dep atap ótti Ulttyq delfıı komıtetiniń dırektory, joba jetekshisiQuralaı Túspekova.
Qazaqstannyń áıgili sportshysy, Qazaqstan Respýblıkasynyń Eńbek sińirgen sport sheberi, 2005 pen 2007 jyldardaǵy bokstan álem chempıony, Olımpıada chempıony jáne 2012 jylǵy Vel Barker Kýbogynyń ıegeri - Serik Sapıev 13-shi ulttyq Delfıı oıyndarynyń ambassadory retinde tańdalǵan.
HІІІ-shi Ulttyq Delfıı oıyndary "Ónerim - rýhanı qazynam" degen ataý aldy. Bul kezdeısoq emes, óıtkeni onyń patrıottyq tapsyrmalary - ulttyq mádenıetti, mýzykalyq dástúrdi saqtaý men damytý, mádenı murany molaıtý, toleranttyqty damytý jáne elimizdiń halqy arasyndaǵy mádenıaralyq dıalogyn júrgizý.
