HІH ǵasyrǵa tıesili baǵaly monetalardy shekara asyrmaq bolǵan áıel quryqtaldy
ASTANA. 13 qarasha. QazAqparat - Kóliktegi polıtsııa qyzmetkerleri zańsyz jolmen Reseıge sırek kezdesetin baǵaly monetalardy alyp ótpek bolǵan 61 jastaǵy Ózbekstan azamatshasyn qolǵa túsirdi. Bul týraly búgin ótken brıfıngte QR ІІM resmı ókili Nurdildá Oraz aıtty.
Resmı ókildiń málimetinshe, áıel adam «Juryn-Qandyaǵash» aralyǵyndaǵy Aqtóbe stantsııasynda ustaldy. Onyń sómkesin tintý kezinde 1811 jyly sary metaldan soǵylyp jasalǵan 212 moneta tabyldy. «Kúdikti OQO-daǵy «Jibek joly» baqylaý-tekserý pýnkti arqyly shekaradan ótip, RF-nyń Astrahan qalasyna baǵyt alǵan. Monetalar tárkilenip alynyp, saraptamaǵa joldandy, onyń qorytyndysy negizinde protsessýaldyq sheshim qabyldanatyn bolady», - deıdi ІІM ókili.
