Highvill-ge aqyly avtoturaq ashýǵa kim ruqsat berdi
ASTANA. QazAqparat - Astanadaǵy Highvill turǵyn úı keshenine qyzmet kórsetip jatqan "Highvill service" kompanııasy aqyly avtoturaqqa qatysty túsinikteme berdi, dep xabarlaıdy QazAqparat tilshisi.
"E-1 blogyna qarsy bette bir jer ýchaskesi bar. Onyń zańdy ıesi - "Highvill Kazakhstan" JShS. Azamatttyq kodekske sáıkes, kompanııaǵa atalǵan jer ýchaskesin ıelený jáne basqarý quqyǵy berilgen. Memlekettik organnyń tıisti ruqsat qaǵazy da bar. Jerdi paıdalanýdyń negizgi maqsaty - turaq oryndaryn ashý. Buryn qurylysqa arnalǵan edi. Bıyl kompanııa ony paıdalaný maqsatyn ózgertti. Endi, ol jerde aqyly turaq asha ma, ony tegin qyla ma, ony ıesi ózi sheshedi. Atalǵan jer ýchaskesi kondomınımýmǵa kirmeıdi. Sondyqtan turǵyndardyń menshigine jatpaıdy", - deıdi "Highvill service" kompanııasynyń zańgerleri.
Aıta keteıik, Facebook áleýmettik jelisinde "Highvill"-diń turǵyndary óz narazylyqtaryn bildirip, kólikterin úıdiń kireberisine jaqyn qoıa almaı júrgenderin jetkizdi. Óıtkeni burynǵy jerden aqyly avtoturaq ashylǵan.
