«Hıdjabtyń ornyn kımeshek basa ma?» - respýblıkalyq basylymdarǵa sholý
***
«Egemen Qazaqstan» gazetiniń búgingi sanynda «Jańa mınıstr taǵaıyndaldy» atty maqala jarııalandy. «Keshe Memleket basshysy Nursultan Nazarbaev Syrtqy ister mınıstrliginde bolyp, ujymǵa jańa taǵaıyndalǵan Syrtqy ister mınıstrin tanystyrdy. Prezıdenttiń Jarlyǵymen syrtqy saıasat vedomstvosynyń basshysy bolyp Erjan Qazyhanov taǵaıyndaldy»,-dep jazady gazet. Maqalada atalǵandaı, vedomstvonyń jańa jasshysyn tanystyrý barysynda Elbasy mınıstrliktiń aldynda turǵan taıaý perspektıvadaǵy basym mindetterdi atap kórsetti. «Bıylǵy jyly úlken ister kútip tur. Mamyrdyń bas kezinde úlken ekonomıkalyq konferentsııa, odan keıin Eýropalyq qaıta qurý jáne damý bankiniń forýmy, IKU SІMK sammıti, ShYU mereıtoıy ótedi. Sondyqtan biz atqarar mindetter jeterlik. EQYU sammıtin ótkizý barysyndaǵy jumystaryńyz úshin sizderge alǵysymdy aıtqym keledi, dedi Nursultan Nazarbaev»,-delingen maqalada.
Búgin - dúnıejúzilik kosmonavtıka jáne avıatsııa kúni. Osydan dál 50 jyl buryn, 1961 jyly 12 sáýirdeadam balasy tuńǵysh ret ǵaryshqa ushty. Adamzat tarıhyndaǵy bul uly jańalyq ózge emes, Qazaq jerinde «Jer kindigi» - Baıqońyrdaǵy ǵarysh alańynan oryn alýy - atalǵan merekeniń Qazaqstan halqy úshin qanshalyqty mártebeli, asqaq ekendigin ańǵarý qıyn emes. Osyǵan oraı «Egemen Qazaqstan» gazetiniń búgingi sanynda qazaqtyń osy qasıetti jeri, Jerdiń tuńǵysh ǵarysh aılaǵy jaıynda jazylǵan «Juldyzdy jol Baıqońyrdan bastaldy» atty kólemdi maqala jarııalandy. «Baıqońyrdyń irgetasy ótken ǵasyrdyń qyrqynshy jyldarynyń aıaǵy men elýinshi jyldarynyń basynda-aq qalandy. Kóp ýaqyt ótpeı ǵylymı-tehnıkalyq izdenister qarqyn aldy. 1950 jyldyń ózinde-aq adam balasynyń ǵaryshqa ushýyna jol ashqan áıgili ǵarysh aılaǵy bolyp qalyptasty. Onyń trassasy myńdaǵan shaqyrymǵa sozylyp jatyr. Onyń bir sheti sonaý Tynyq muhıtyna baryp tireledi»,-delingen maqalada.
***
2010 jyly Qazaqstan EQYU-ǵa Tóraǵalyq etti. Álem nazaryn aýdartqan «Astana Sammıtin» de sátti ótkizgeni málim. «EQYU sammıtinde qalyptasqan «Astana rýhy» qanshalyqty ómirsheń bola alady? Endi EQYU úshtiginiń múshesi retinde 2011 jyly Qazaqstan qandaı sharýalar atqarmaq?» degen saýal árkimdi de tolǵandyrary sózsiz. Osy oraıda «Aıqyn» basylymy Avstrııa Respýblıkasyndaǵy Qazaqstan Respýblıkasynyń Tótenshe jáne ókiletti elshisi, Vena qalasyndaǵy halyqaralyq uıymdar janyndaǵy Turaqty ókili Qaırat Ábdirahmanovpen bolǵan aradaǵy suhbatty usynyp otyr. «EQYU-daǵy tóraǵalyq Qazaqstannyń halyqaralyq ózekti problemalardy sheshýdegi, aımaqtyq qaýipsizdikti nyǵaıtýdaǵy rólin edáýir arttyrdy. Buǵan qazaq dıplomatııasynyń halyqaralyq janjal men daǵdarystardy retteý, eýropalyq qaýipsizdiktiń bolashaǵy týraly dıalogty («Korfý protsesin») alǵa júrgizý, toleranttylyq ıdeıalaryn nasıhattaý sııaqty is-sharalar jáne eń bastysy, EQYU sammıtin jemisti ótkizý aıasyndaǵy naqty jumystardy aıqyn kórsetti»,-dep jaýap qaıyrady dıplomat «Qazaqstan EQYU-da belsendi oıynshy bolyp qala bermek» degen taqyryppen berilgen suhbatta.
«Qazaqstan musylmandary dinı basqarmasy áıelderge arnalǵan musylmansha kıim úlgilerine baıqaý jarııalady»,-dep jazady «Aıqyn» gazeti «Hıdjabtyń ornyn kımeshek basa ma?» dep atalatyn kelesi maqalasynda. «Dinı basqarma jarııalaǵan baıqaýǵa modelerler óz kıim úlgilerin usyna alady. Óz kezeginde arnaıy belgilengen komıssııa kıimderdi saraptaýdan ótkizip, onyń qanshalyqty dinı talaptarǵa saı kelýimen qatar, ulttyq salt-dástúrge sáıkestigin saralaıdy. Ońǵar qajy Ómirbek bul kıim úlgileriniń arabtar men parsylardyń kıiný mádenıetinen bólek bolýy múmkindigin jasyrmaıdy. Taǵy bir aıta keterligi, dinı basqarma ókilderi mektep formalarynyń durystyǵyn aıta kele, tek qyz balalarǵa dinı talap boıynsha shashty jaýyp qoıý úshin «beretka» sııaqty baskıim men toqyma buıymdarynyń qarastyrylyp jatqanyn aıtady»,-delingen basylymda.
«Alash aınasy» gazetinde «Jańa Úkimet jasaqtalyp jatyr» degen taqyrypta maqala jarııalandy. Basylym Mınıstrler kabınetinde bolǵan birqatar aýys-túıister jaıynda qulaqtandyrady. Gazette jazylǵanyndaı, Asyljan Mamytbekov Aýyl sharýashylyǵy mınıstri, Talǵat Ermegııaev Týrızm jáne sport mınıstri, Qaırat Kelimbetov Ekonomıkalyq damý jáne saýda mınıstri, Erjan Qazyhanov Syrtqy ister mınıstri, Erbol Orynbaev Premer-mınıstrdiń orynbasary bolyp taǵaıyndaldy. Sonymen qatar Ómirzaq Shókeev Premer-mınıstrdiń birinshi orynbasary, Áset Isekeshov Premer-mınıstrdiń orynbasary, Indýstrııa jáne jańa tehnologııalar mınıstri laýazymdaryna qaıta otyrdy.
«Kazahstanskaıa pravda» gazetinde «My opredelılı svoe býdýşee, otdav svoı golosa za Vas» degen taqyryppen jarııalanǵan maqalada QR Prezıdenti laýazymyna saılanýyna baılanysty Elbasynyń atyna qoǵamdyq uıymdardan, birlestikterden jáne eńbek ujymdarynan quttyqtaýlar men ystyq yqylastar bildirilgen hattar tolassyz kelip túsip jatqany jazylǵan. Gazettiń jazýynsha, osyndaı hattar Jambyl, Pavlodar, Shyǵys Qazaqstan oblystarynan, Almaty jáne Ekibastuz qalalarynan, sonymen qatar QR UǴA akademıkterinen, «Bolashaq» stıpendıattarynan, TÚRKSOI uıymy ujymdarynan kelýde.
