Hıdjab kıip, el aýmaǵynda urlyq jasap kelgen jas qyz ustaldy

ASTANA. QazAqparat – Elorda polıtseıleri kúdik týdyrmaý úshin hıdjap kıip birneshe márte urlyq jasaǵan jas qyzdy ustady, dep habarlaıdy QazAqparat Polisia.kz saıtyna silteme jasap.

Astana polıtseıleri kúdiktini Qaraǵandy qalasynda ustaǵan. Jas qyz Qazaqstan aýmaǵynda birqatar urlyq jasady dep aıyptalyp otyr.

«25 jastaǵy kúdiktini Astana qalasy Baıqońyr aýdany polıtsııa bóliminiń qyzmetkerleri Qaraǵandyda ustady.

Kúdikti tamyz aıynda elorda bazarynyń aýmaǵynda satyp alýshynyń sómkesinen 930 myń teńge urlap ketken. Jábirlenýshiniń aıtýynsha, urlyq aldynda ol jeke qajettilikteri úshin nesıe alǵan. Ol kúdik týdyrmaý úshin hıdjab kıip, áreket etken.

Urlyq faktileri boıynsha QR Qylmystyq kodeksiniń 188-babymen (Urlyq) sotqa deıingi tergeý amaldary júrgizilip jatyr. Tergeý barysynda ustalǵan azamatshanyń eldiń basqa da aımaqtarynda urlyq jasaǵany anyqtaldy. Kúdikti qamaýǵa alyndy», - delingen polıtsııa málimetinde.