Hıdjab kıgen arab, parsy elderiniń ulttyq dástúrleri ıslam dinine qatysy joq ekendigin umytpaýymyz qajet - Á.Báımenov
ASTANA. 11 naýryz. QazAqparat /Gúlmıra Álıakparova/ - Párenji salyp, hıdjab kıgen arab, parsy elderiniń ulttyq dástúrleri ıslam dinine qatysy joq ekendigin umytpaýymyz qajet.
Bul pikirin búgin Agenttik tilshilerine bergen suhbatynda «Aq jol» partııasynyń tóraǵasy Álıhan Báımenov bildirdi.
Á.Báımenov, búgin Qazaqstan jastarynyń arasynda etegin keńge jaıyp bara jatqan párenji salyp, hıdjab kııý úrdisine qatysty óz oıyn bildire kele: «Balıǵatqa jasy tolǵan adamnyń óz erkimen tańdaý quqyǵy bolý kerek», - degendi aıtty. «Biraq keıbir dástúrlerdiń, atap aıtqanda, arab, parsy elderi dástúrleriniń ıslam dinine qatysy joq ekendigin umytpaýymyz qajet. Kezindi ıslam dinin ýaǵyzdaýshylar óz eliniń dástúrin de qosa alyp kelgen. Qazir oǵan jol berýge bolmaıdy. Onymen birge, oramal tartýdyń da túrli tásilderi bar. Mindetti túrde tumshalap jaýyp alýdyń qajet joq dep oılaımyn», - dedi ol.
Á.Báımenov bir mezgilde, ıslamnyń týra jolyn ustanyp júrgen qyz-kelinshekterge oramaldy tartýǵa múldem tyıym salýǵa bolmaıtyndyǵyn aıtty. Bul rette Qazaqstanǵa ıslam kıimderiniń qazirgi zamanǵa saı san alýan úlgisin jasap, shyǵaryp otyrǵan elderden úlgi alýǵa shaqyrdy.
