HІ Eýrazııa medıa forýmy óz jumysyn aıaqtady

«Eki kúnge jalǵasqan pikiralmasýlar qyzyqty ári ashyq ótkenin, sondaı-aq barshamyz úshin paıdaly bolǵanyna barlyqtaryńyz menimen kelisesizder dep oılaımyn. Atap aıtqanda talqylaýlar barysynda spıkerlerdiń qarama-qarsy kózqarastaryn da baıqadyq. Ár sessııanyń barysynda qyzý pikiralmasýlar boldy. Bul turǵyda osylaı ótkenine maqtan tutamyz, sebebi biz spıkerlerdi durys irikteı aldyq. Olar túrli taqyryptarda ózderiniń tereń oılarymen bólisti»,-dedi atalǵan forýmnyń Uıymdastyrý komıtetiniń tóraıymy Darıǵa Nazarbaeva forýmnyń jabylýy rásiminde.

Osy oraıda ol bıylǵy forýmnyń baǵdarlamasynda qazirgi zamanǵy halyqaralyq saıasatta jáne BAQ ómirindegi ózekti ári ótkir problemalarǵa nazar aýrylǵanyn atap ótti.

«Qazirgi zamanǵy adam geometrııa, hımııa jáne algebradaǵy sekildi aqparattyq keńistik qyr-syryn ajyrata bilýdi qajetsinedi. Medıa saýattylyq kýrsyn engizý kerek. Meniń oıymsha, balabaqshadan bastap ta engizý kerek shyǵar»,-dedi D. Nazarbaeva.