HHVIII BUU klımattyń ózgerýi konferentsııasynda qazaq jastarynyń usynystary baıandalady
ASTANA. KAZINFORM — Astanada Qazaqstandaǵy klımattyń ózgerýi boıynsha jergilikti jastar konferentsııasy (LCOY Kazakhstan 2024) ótti. Bul týraly QR Mádenıet jáne aqparat mınıstrliginiń baspasóz qyzmeti málim etti.
Bul alań klımattyń ózgerýi jáne ekologııalyq problemalarǵa beıimdelý máseleleri boıynsha usynystardy talqylaý jáne ázirleý úshin jasalǵan, munda jastardyń pikiri sheshýshi ról atqarady. Talqylaýlarǵa sarapshylar, saıasatkerler jáne ekologııalyq belsendiler de qatysty.
Konferentsııanyń negizgi taqyryptary: «Qazaqstandaǵy klımattyń ózgerýi», «Klımat ózgerýiniń sý sektoryna áserin baǵalaý», «Klımattyń ózgerýine beıimdelý úshin jergilikti sheshimder», «Qazaqstandaǵy jasyl, turaqty jáne zamanaýı energetıkany jappaı engizý men qoldanýdyń mańyzy, bolashaq perspektıvalary».
LCOY Kazakhstan 2024 nátıjesi retinde Qazaqstan jastarynyń usynystarymen baıandama daıyndalady, ol Bakýde ótetin HHVIII BUU klımattyń ózgerýi konferentsııasynda usynylady.
