HHV Qysqy Olımpıada jáne Paralımpıada oı̆yndarynyń medaldary qandaı
ASTANA. KAZINFORM – Italııanyń Venetsııa qalasynda HHV Qysqy Olımpıada jáne Paralımpıada oıyndary medaldarynyń saltanatty tanystyrylymy ótti.
Halyqaralyq Olımpıada komıteti resmı saıtynyń habarlaýynsha, medaldardy Mılan-Kortına qysqy Olımpıada oıyndary men qysqy Paralımpıada oıyndarynyń resmı demeýshisi Italııanyń memlekettik teńge saraıy men baspa ınstıtýty (Istituto Poligrafico e Zecca dello Stato/IPZS) jasaǵan.
Medaldar ekologııalyq taza, ýly emes jáne qaıta óńdeýge bolatyn metaldan shyǵarylady. IPZS paıdalanatyn energııa tolyǵymen jańartylatyn kózderden alynady.
- Medaldar ıtalıandyq dızaınnyń sheberligi men tamashalyǵyn bildiredi. Olardyń árqaısysy biregeı týyndy, joǵary deńgeıdegi tehnologııalyq ınnovatsııalarmen biriktirilgen sheberliktiń nátıjesi,- dep atap ótti IPZS prezıdenti Paolo Perrone.
Medaldyń aldyńǵy jáne artqy jaǵy bir-birine jalǵanǵan eki jarty sheńberden turady. Bul eki qala Mılan men Kortına arasyndaǵy yntymaqtastyqty jáne jeńis rýhy men armandardy júzege asyrý úshin kúresti beıneleıdi.
Sonymen qatar medaldaǵy eki jarty bólik sportshynyń mansap jolyn jáne osy jolda onyń janynda bolǵan barlyq adamdy beıneleıdi.
- Ár medal, meıli Olımpıadalyq bolsyn, meıli Paralımpıadalyq bolsyn, metalǵa órnektelgen tarıh: ol jeńis tuǵyryna jetý úshin ómir súrgenderdiń kúsh-jigeri, tabandylyǵy, qurbandyǵy jáne úmiti týraly aıtady. Sonymen qatar ol sporttyń eń shynaıy qundylyqtaryna senetin eldiń tarıhyn baıandaıdy. Ony jeńip alǵandar ózderimen birge tek qana ıtalıandyq rýhtyń qurmetin, tiri jeńis sımvolyn alyp júredi. Biz birge armandaýǵa jáne oǵan qol jetkizýge qabilettimiz, - dedi Mılan-Kortına 2026 qorynyń prezıdenti Djovannı Malago.
Eske salaıyq, 2026 jylǵy Olımpıada oıyndary 6-22 aqpan aralyǵynda Italııanyń Mılan jáne Kortına-d’Ampetstso qalalarynda ótedi.
Osyǵan deıin habarlaǵanymyzdaı, HHV Qysqy Olımpıada jáne Paralımpıada oı̆yndarynyń fakeli tanystyryldy.