HHV Qysqy Olımpıada jáne Paralımpıada oı̆yndarynyń fakeli tanystyryldy
ASTANA.KAZINFORM – HHV Qysqy Olımpıada jáne Paralımpıada oıyndarynyń fakeli tanystyryldy.
Halyqaralyq Olımpıada komıteti búgin olympics.com saıty jáne áleýmettik jelidegi resmı paraqshalarynda HHV Qysqy Olımpıada jáne Paralımpıada oıyndarynyń fakeli tanystyrylǵan 44 sekýndtyq vıdeosyn jarııalady.
Fakeldiń resmı ataýy «Essential». Bul ataý onyń mınımalıstik dızaın tujyrymdamasynan shyqqan. Fakel dızaıny turaqty damýǵa baǵyttalǵan jáne ozyq tehnologııa men jańartylatyn energııa arasyndaǵy tamasha teńgerimdi tabady.
Jobany HHV Qysqy Olımpıada jáne Paralımpıada oı̆yndarynyń basty seriktesi, ıtalııalyq Energy Group (Eni) jáne onyń enshiles uıymy jáne is-sharanyń resmı demeýshisi Versalis birge usynady. Fakeldi jobalaý jáne ázirleý jumystaryn Carlo Ratti Associati stýdııasy atqardy.
Aıta keterligi, «Eń uly saıahat» dep atalatyn alaý estafetasy 63 kúnge sozylyp, jalpy 12 myń shaqyrym qashyqtyqty baǵyndyrady. Alaý Italııanyń 60 estafeta pýnktin aralap, aqyrynda 2026 jyldyń 6 aqpanynda San-Sıro stadıonyna jetedi.
Eske salaıyq, 2026 jylǵy Olımpıada oıyndary 6-22 aqpan aralyǵynda Italııanyń Mılan jáne Kortına-d’Ampetstso qalalarynda ótedi.
Osyǵan deıin habarlaǵanymyzdaı, Qazaqstan Ulttyq Olımpıadalyq komıteti 2026 jylǵy Olımpıada oıyndaryna resmı shaqyrtý aldy.