HHІ qysqy Olımpıada oıyndarynda el úmit artatyn sportshylar
STANA. Aqpannyń 8-i. QazAqparat - Aqpannyń 12-si men 28-i aralyǵynda Kanadanyń Vankýver qalasynda HHІ qysqy Olımpıada oıyndary ótedi.
Álemniń 80 eliniń úkilep qosqan úsh myńnan astam sportshysy jarys jolyna shyǵady. Bul aralyqta sporttyń 15 túrinen 86 nagrada jıyntyǵy sarapqa salynbaq.
Qazaqstannyń olımpıadalyq quramasy 40 lıtsenzııaǵa, atap aıtqanda bıatlonnan - 9, shańǵy jarysynan - 11, taý shańǵysy sportynan - 2, konkımen júgirý sportynan - 4, shańǵymen tramplınnen sekirýden - 2, frıstaıldan (mogýl) - 5, frıstaıldan (akrobatıka) - 1, short-trekten - 1 jáne mánerlep syrǵanaýdan 2 lıtsenzııaǵa ıe. Bizdiń sportshylar baǵdarlamanyń 9 túrinde óner kórsetedi.
Bul qazaqstandyq sportshylar úshin besinshi qysqy Olımpıada bolmaq. Komandamyz úlken bolmaǵanymen, óte jınaqy. Joldamanyń basym bóligin ádettegideı shańǵy sportynyń ókilderi jeńip aldy. Sarapshylar dál osy baǵdarlamalar túrinen bizdiń sportshylarymyzdan jaqsy nátıjeler kútýde. Sońǵy maýsymda qazaqstandyq shańǵyshy Alekseı Poltoranın álemniń úzdik on sportshysynyń qatarynan kóringen bolatyn. Sonymen qatar Nıkolaı Chebatko, Evgenıı Koshevoı, Sergeı Cherepanovtarǵa artar úmit mol.
Al áıelderge altylyqqa ený mindeti júktelip otyr. Degenmen osy maýsymda jeke esepte Elena Kolomına kózge tústi. Ol taıaýda ótken dástúrli «Týr de SKI» jarysynda kúmis júldeni enshilegen edi.
Bıatlon jarysynda komandanyń kóshbasshysy Elena Hrýstalevoıǵa zor senim artylyp otyr. Ótken jyly ol álem chempıonatynda altynshy oryndy qanaǵat tutty. Olımpıada medalin utý múmkindigi sporttyń frıstaıl túriniń ókili Dmıtrıı Reıhardta mol. Ol ótken maýsymda «Mogýl» dárejesinde Álem kýbogy kezeńiniń birneshe medalin ıelense, al osydan eki apta buryn álem birinshiliginiń qola júldesin oljalady.
Mánerlep syrǵanaý jarystary da óte tartysty ótedi dep kútilýde. Sporttyń bul túrinen qazaqstandyq Denıs Ten men Abzal Rahymǵalıev, Brıan Jýber, Patrık Chan syndy mánerlep syrǵanaýdyń korıfeıleri jáne TDM-ǵa tanymal reseılik Evgenıı Plıýşenkomen qatar óner kórsetpek. Sonymen qatar elimiz Kanadada ótetin olımpıadada alǵash ret short-trek baǵdarlamasyna qatysady.
Aqpannyń 12-sinde qysqy Olımpıada oıyndarynyń ashylý saltanatynda elimizdiń delegatsııasyn tý ustaýshy, bıatlon boıynsha Qazaqstannyń chempıony Dıas Keńeshev bastap shyǵady.
