HHІ Qazaqstan chempıonaty: «Almaty» basketbol klýby týrnırlik kestedegi jaǵdaıyn qıyndatyp aldy
ALMATY. 23 qańtar. QazAqparat - Almatydaǵy «Dostyq» sport kesheninde 21-22 qańtar kúnderi «Almaty» men «Tobyl» komandalary arasynda eki kezdesý ótti.
HHІ Qazaqstan chempıonaty aıasynda Ulttyq lıgadaǵy erler komandalary arasynda ótken bul saıysta almatylyqtar qostanaılyqtarǵa 71:88 jáne 73:76 esebimen ese jiberdi. Sonyń nátıjesinde týrnır kestesinde 4 jeńis, 7 jeńilisten keıin olardyń paıyzdyq kórsetkishi (36,4) teńeskenmen, dop aıyrmasy jaǵynan «Tobyl» 6-dan besinshi orynǵa kóterildi. Óz ornyn qonaqtarǵa bosatqan «Almaty» qarsylastardyń sebetine 793 dop salyp, óz sebetine 850 dop jiberip aldy. Al «Tobyl» 841 ret qarsylasynan upaı oljalap, 923 upaıdy ózgelerge taratyp otyr.
