HHІ ǵasyr sońyna deıin muhıt túsi ózgeredi
ASTANA. QazAqparat - Massachýsets tehnologııalyq ınstıtýty ǵalymdary klımattyń ózgerýi muhıttaǵy fıtoplanktonǵa áser etip, on jyldan keıin bul muhıt túsiniń ózgerýine alyp keletinin anyqtady. The Nature jýrnalynyń jazýynsha, muhıt túsi jasyl nemese qanyq kók túske boıalýy múmkin.
«Ǵalymdar muhıt ekojúıesindegi alǵashqy ózgeristerdi spýtnık arqyly baqylap, birinshi bolyp baıqaıtyn bolady. Olar jahandyq jylyný kezindegi fıtoplanktonnyń jaryqty jutýyn qadaǵalap, onyń muhıt túsine áseri baryn anyqtaǵan», - dep jazady basylym.
Avtordyń paıymynsha, 2100 jylǵa qaraı álemdik muhıttyń túsi qazirgiden 50 paıyzǵa ózgeredi.
«Ǵalymdardyń aıtýynsha, muhıttyń kók tústi jerleri odan saıyn qoıýlana túsedi, al polıýsterge jaqyn ornalasqan muhıt sýynyń túsi jasyl bolady» dep jazady basylym.
