HH jazǵy Azııa oıyndarynyń ashylýyna 10 kún qaldy

Azııa oıyndary uıymdastyrý komıtetiniń habarlaýynsha, basketbol, fýtbol, zamanaýı bessaıys, voleıbol, krıket jáne dopty hokkeı sııaqty sport túrlerinen irikteý jarystary ashylý saltanatyna deıin bastalady, al basketbol matchtary 10 qyrkúıek kúni ótedi.

Kyodo News aqparat agenttigi habarlaýynsha, Azııadaǵa qatysatyn sheteldik sportshylardyń aldyńǵy legi Japonııaǵa kele bastady. Eń aldymen Iordanııa men Ońtústik Koreıadan kelgen sportshylar 6 qyrkúıek kúni Aıchı prefektýrasynyń Chýbý halyqaralyq áýejaıyna kelip jetti.

Eske salaıyq, HX jazǵy Azııa oıyndary 2026 jyldyń 19 qyrkúıek pen 4 qazan aralyǵynda Japonııanyń Aıchı prefektýrasy men Nagoıa qalasynda ótedi, oıyndardyń urany — Imagine One Asia («Birtutas Azııany elestet»).

Oıyndarda 43 sport túrinen 469 medaldar jıyntyǵy sarapqa salynady. Azııa qurlyǵynyń 45 eli men aımaǵynan 11 000-nan astam sportshy, sondaı-aq halyqaralyq sport uıymdarynyń shamamen 6000 delegatsııasy men laýazymdy tulǵalary qatysady dep josparlanǵan. 

QR Týrızm jáne sport mınıstrliginiń habarlaýynsha, Qazaqstan quramasy sporttyń 35 túrinen synǵa túsýdi josparlap otyr. Quramanyń aldyn ala tizimine 571 sportshy engen. Bul Hanchjoýda ótken aldyńǵy Azııa oıyndaryndaǵy kórsetkishten joǵary. Ol kezde Qazaqstan atynan 523 sportshy óner kórsetken edi.

Osyǵan deıin habarlaǵanymyzdaı, Qazaqstan aýyr atletıka federatsııasy Aıchı-Nagoıada (Japonııa) ótetin 2026 jylǵy Azııa oıyndaryna qatysatyn sportshylardyń tizimin jarııalady.