HH ǵasyrdyń sońǵy otyz jyly 1,4 myń jyldyń ishindegi eń jyly kezeń boldy
ASTANA. 23 sáýir. QazAqparat - Ártúrli qurlyqtaǵy sońǵy eki myń jyl ishindegi temperatýra ózgeristerine taldaý osy kezeńdegi jahandyq salqyndyq 19 ǵasyrdyń sońynda ǵana jylylyqqa oıysqanyn kórsetti, delingen Nature Geoscience jýrnalynda jarııalanǵan maqalada.
Bul týraly reseılik «Jańalyqtar» agenttigi habarlady.
Quramyna álemniń 78 elinen zertteýshiler kiretin PAGES 2k Network halyqaralyq ǵylymı konsortsıýmy sońǵy eki myń jyl ishindegi aımaqtyq, sondaı-aq jahandyq deńgeıdegi klımatty barynsha tolyq qamtý mindetin óz aldyna qoıdy. Ǵalymdar aǵashtardaǵy jyldyq saqınalardyń ózgerýi, koralldardyń ósýi, ósimdik tozańy, stalagmıttar týraly málimetterdi, barlyq qurlyqtardaǵy 511 geografııalyq núkte boıynsha tarıhı qujattardaǵy aqparattardy paıdalandy.
Atap aıtqanda olar «Ortasha ǵasyrlyq jylylyq» nemese «Kishi muzdyq dáýiri» (15-17 ǵǵ.) kezeńin anyqtady.
Tutastaı alǵanda, ǵalymdar sońǵy eki myń jyl ishinde Jerde temperatýranyń tómendeýi baıqalyp, 19-ǵasyrdyń sońynda ǵana onyń toqtalyp, jylylyqqa aýysqanyn anyqtady. 1971-2000 jyldardyń aralyǵyndaǵy kezeń 1,4 myń jyl ishindegi eń jyly kezeń boldy», delingen maqalada.
