HH ǵasyrda álemde teńiz deńgeıi kúrt kóterilgen
ASTANA. QazAqparat - Halyqaralyq ǵalymdar toby HH ǵasyrda teńiz deńgeıiniń aldaǵy 27 júzjyldyqtyń árqaısysyna qaraǵanda aıtarlyqtaı kúrt kóterilgenin málimdedi.
Proceedings of the National Academy of Sciences, jýrnalynda jarııalanǵan zertteýge sáıkes, HH ǵasyrda teńiz deńgeıi 14 santımetrge joǵarylaǵan. Ǵalymdardyń pikirinshe, bul tikeleı jahandyq jylynýmen baılanysty bolyp otyr, onsyz bul kórsetkish kem degende eki ese tómen bolatyn edi.
Zertteýshiler teńiz deńgeıiniń ósý qarqyny Kishi muz dáýiri kezeńiniń aıaqtalýy men HІH ǵasyrda ónerkásip revolıýtsııasynyń bastalýynan keıin kúrt joǵarylaı bastaǵan. Olar sondaı-aq qalypty ekologııalyq jaǵdaılarda Álemdik muhıt deńgeıiniń kóterilýi ótken ǵasyrda jeti santımetrden aspaǵan dep esepteıdi.
Qazirgi kezde ǵalamshardaǵy ortasha temperatýra HІH ǵasyrdyń sońyna qaraǵanda shamamen 1 gradýs jyly bolyp otyr.
