HH ǵasyrda 3 mıllıon 850 myńǵa jýyq qazaq qyrǵynǵa ushyrady-M. Tátimov
ALMATY. 30 mamyr. QazAqparat /Erlik Erjanuly/ - HH ǵasyrda 3 mıllıon 850 myńǵa jýyq qazaq qyrǵynǵa ushyrady.
Bul derekterdi búgin Almatyda ótken «Qazaqstannyń tarıhı demografııasyndaǵy aqtańdaqtar» dep atalatyn dóńgelek ústelde belgili demograf Maqash Tátimov keltirdi.
«HH ǵasyrda bolǵan Azamat soǵysy, qoldan jasalǵan asharshylyq, qýǵyn-súrgin kezderinde, Ekinshi dúnıejúzilik soǵysta bas-aıaǵy 3 mıllıon 850 myńǵa jýyq qazaq qyrǵynǵa ushyrady», - dedi M. Tátimov.
M. Tátimov 31 mamyr - Saıası kýǵyn-súrgin qurbandaryn eske alý kúni tek atylǵandar men aıdalǵandar ǵana eske alynatynyn aıtyp, bul kúni asharshylyqtan qyrylǵandar umyt qalatyndyǵyna qynjylys bildirdi. «25 myń adam atyldy. Bul kórsetkish asharshylyqtan qyrylǵandardyń myńnan birin ǵana quraıdy. Aıdalǵan 105 myń adam ashtan qyrylǵandardyń 5 paıyzyn quraıdy. Al negizgi tragedııa qazaq halqynda áli kúnge deıin umyt qalyp keledi», - deıdi ǵalym.
Onyń pikirinshe, 31 mamyr - Saıası kýǵyn-súrgin qurbandaryn eske alý kúni qazaq halqynyń tarıhyndaǵy eń bir qasiretti kún bolyp eseptelýi kerek. «Osydan 18-19 jyl buryn Bekbalat Mustafın aqsaqal Elbasyna kirip, 31 mamyrdy qýǵyn súrgin qurbandaryn eske alý kúni dep belgileıik, olar umyt qalmasyn degen usynys jasady. Nursultan Ábishuly birden bul usynysty qoldap, sheshim qabyldady», - dedi Maqash Tátimov.
