HǴS ushyrylym kestesi «Soıýz MS-02» ushýdy keıinge qaldyrǵannan keıin túzetiletin boldy

BAIQOŃYR. QazAqparat - Ushyrylýy 2016 jylǵy 23 qyrkúıekke josparlanǵan «Soıýz MS-02» kóliktik basqarylatyn kemeniń tehnıkalyq aqaýy týraly materıaldy qaraǵan komıssııa ushyrylym kúnin ózgertý jáne sebepterin anyqtaǵanǵa deıin qajetti sharalardy jalǵastyrý týraly sheshim qabyldady, sodan keıin HǴS-ǵa ushyrylymdar kestesi túzetiletin bolady, dep habarlady Roskosmos baspasóz qyzmeti.

Rsokosmos 2016 jylǵy qyrkúıek-jeltoqsanda Halyqaralyq ǵarysh stansasy baǵdarlamasy boıynsha Baıqońyr ǵarysh aılaǵynan 3 ushyrylymdy júzege asyrýdy josparlaǵan.

2016 jylǵy 23 qyrkúıekte «Soıýz MS-02» kóliktik basqarylatyn kememen «Soıýz-FG» zymyran tasyǵyshyn ushyrýdy belgilegen, 20 qazanda «Progress MS-04» kóliktik júk kemesimen «Soıýz-Ý» zymyran tasyǵyshyn ushyrý josparlanǵan. Al 16 qarashada HǴS-qa «Soıýz MS-03» ǵarysh kemesimen kezekti ekıpaj jetkizilýi tıis bolatyn.

Qazir Roskosmos kásipornynyń mamandary «Soıýz MS-02» synaq júrgizip, testileýden ótkizýde. Bekitilgen ushyrylym kestesine sáıkes zymyran-ǵarysh salasynyń mamandary josparly rejimde «Soıýz MS-03» deıyndaý jumystaryn jalǵastyrady, - dep atap ótedi baspasóz qyzmetinde.

Buryn habarlanǵandaı, «Soıýz MS-02»   kemesiniń ushyrylymy tehnıkalyq sebeptermen  23 qyrkúıekten 2016 jylǵy 1 qarashaǵa aýystyryldy.