HǴS-qa ushatyn jańa ekıpaj Baıqońyrǵa keldi

BAIQOŃYR. QazAqparat - Búgin Halyqaralyq ǵarysh stansasyna jańa ekspedıtsııaǵa ushatyn ekıpaj músheleri Baıqońyrǵa keldi.

Baıqońyr qalasynyń «Kraınıı» áýejaıynda Aleksandr Skvortsov, Oleg Artemev jáne Stıven Svonsondy, sondaı-aq olardyń dýblerlary Aleksandr Samokýtıaev, Elena Serova jáne Barrı Ýılmordy «Baıqońyr» ǵarysh kesheni basshylyǵynyń ókilderi qarsy aldy.

Ushýǵa daıyndyq erejelerine sáıkes ekıpajdyń negizgi jáne qosalqy músheleri Baıqońyr ǵarysh aılaǵyna bólek áýe borttarymen jetip, «Kosmonavt» oqý-jattyǵý ortalyǵyna attandy. Munda olar ushýǵa daıyndalady.

«Roskosmostyń» baspasóz qyzmetinen habarlaǵandaı, búgin tańerteń Baıqońyrǵa ushar aldynda HǴS-39/40 ekspedıtsııasynyń ǵaryshkerleri men astronavtaryn saltanatty túrde shyǵaryp saldy.

Halyqaralyq ekıpajy bar «Soıýz TMA-12M» ushý kemesin 2014 jyly 26 naýryzda ushyrý josparlanyp otyr.