HǴS ǵaryshkeri stansada tún qansha ýaqytqa sozylatynyn aıtty

ASTANA. KAZINFORM — Halyqaralyq ǵarysh stansasyndaǵy (HǴS) TASS-tyń arnaıy tilshisi, «Roskosmos» ǵaryshkeri Sergeı Kýd-Sverchkov Jerdiń Soltústik jarty sharyndaǵy jyldyń eń uzaq túni kezinde túsirilgen kadrlardy kórsetti. Onyń aıtýynsha, orbıtada «tún» bar bolǵany 40 mınýtqa ǵana sozylady.

«Kadrlarda — táýligine bolatyn 16 túngi sapardyń tek bireýi ǵana. Jer óz osin bir ret aınalyp shyqqansha, HǴS planetany 16 ret aınalyp úlgeredi. Stansa Jerdi árbir 90 mınýt saıyn aınalady. ıAǵnı orbıtada árbir bir jarym saǵat saıyn jaryq pen kóleńke almasyp otyrady. Al kóleńkeli aımaq shamamen 40 mınýtqa sozylady», dep túsindirdi ǵaryshker.

Onyń aıtýynsha, kadrlardyń basynda Ońtústik-Shyǵys Azııa qalalary kórinedi, odan keıin Qytaıdyń jarqyraǵan shamdary baıqalady. Al sońynda Shyǵys Sibirdiń soltústigindegi polıarlyq shuǵyla men Prımore ústindegi tań shapaǵy kórinedi.

21 jeltoqsanda qysqy kún toqyraýy baıqaldy. Osy kúni Jerdiń Soltústik jarty sharynda túnniń uzaqtyǵy eń joǵary deńgeıge jetti.

Aıta keteıik, «Shenchjoý-21» kemesiniń ekıpajy alǵash ret ashyq ǵaryshqa shyǵýǵa daıyndalyp jatyr.