HǴS ekıpajy Jańa jyldy 16 ret qarsy alady
Birer saǵat buryn Baıqońyrdaǵy memlekettik komıssııa HǴS-qa ushatyn «Soıýz TM-07» ǵarysh kemesiniń negizgi jáne qosymsha ekıpajyn bekitti.
«Soıýz MS-07» kemesiniń negizgi ekıpajy quramynda - MKS-54/55 uzaq ekspedıtsııasynyń múshesi, Roskosmos ǵaryshkeri Anton Shkaplerov, NASA astronavty Skott Tıngl jáne JAXA astronavty Norıshıge Kanaı bar. Olardyń dýblerleri - reseılik ushqysh Sergeı Prokopev, ESA astronavty Aleksandr Gerst jáne NASA astronavty Djanett Epps.
Ǵaryshkerler Rojdestvo men Jańa jyldy orbıtada qalaı toılaıtyndaryn aıtyp berdi.
«Bizdiń jańajyldyq shyrshamyz bar, «Dragonmen» taǵy jetkizedi. 25 jeltoqsanda jáne 31 jeltoqsanda ashyńdar dep jazylǵan syılyqtarymyz da bar. Biz Jańa jyldy 16 ret qarsy almaqpyz, merekeni toılaýdy Grınvıch boıynsha tańǵy saǵat 10-da stantsııada bastaımyz. Birinshi Japonııa bolmaq», - dedi Anton Shkaplerov.
«Soıýz MS-07» AÓK-ni ushyrý erteń, 2017 jyldyń 17 jeltoqsanynda Baıqońyr ǵarysh aılaǵynyń Gagarın alańynda, jergilikti ýaqytpen 13 saǵat 21 mınýtqa josparlanǵan.
