HǴS-51/52 ekıpajy Baıqońyrdan ushýǵa ázirlenýde

BAIQOŃYR. QazAqparat - Baıqońyr ǵarysh aılaǵy kelesi aptada Halyqaralyq ǵarysh stansasyna attanatyn 51/52 ekıpajyn kútip alýǵa ázirlenýde, dep habarlaıdy «QazAqparat» HAA tilshisi.

ıÝ.A.Gagarın atyndaǵy Ǵaryshkerlerdi daıyndaý ortalyǵynyń  baspasóz ortalyǵynan habarlaǵandaı, Juldyzdy qalada HǴS-51/52 uzaqmerzimdi ekspedıtsııa ekıpajdarynyń keshendi emtıhandyq jattyǵýlary aıaqtalady.

3 sáýir kúni ǴDO-da Baıqońyr ǵarysh aılaǵynda ushý aldyndaǵy daıyndyqty jalǵastyrý boıynsha ekıpaj usynystary týraly sheshim qabyldanatyn Vedomtsvoaralyq komıssııa otyrysy men ǵaryshkerler men astronavtardyń qatysýymen ushý aldyndaǵy baspasóz máslıhaty ótedi, dep habarlaıdy Gagarın atyndaǵy ǴDO.

HǴS-51/52 negizgi ekıpajdaryna Roskosmos ǵaryshkeri Fedor ıÝrchıhın men NASA astronavty Djek Fısher kiredi. Ekıpajdy Roskosmos ǵaryshkeri Sergeı Rıazanskıı men NASA astronavty Rendolf Breznık dýblıajdaıdy.

Ushý baǵdarlamasyna sáıkes, «Soıýz MS-04»  kóliktik basqarylatyn kemesin 2017 jyldyń 20 sáýirinde Baıqońyr ǵarysh aılaǵynan ushyrý josparlanǵan.