«Hezbolla» jetekshisi Saýd Arabııasyn Beırýttegi Iran elshiligi janynda bolǵan lańkestikke qatysy bar dep aıyptady
ÁBÝ-DABI. 4 jeltoqsan. QazAqparat - Lıvandaǵy «Hezbolla» qozǵalysynyń kóshbasshysy Saýd Arabııasyn bir aı buryn Beırýttegi Iran elshiligi janynda bolǵan lańkestik oqıǵaǵa qatysy bar dep aıyptap otyr.
Lıvannyń «OTV» telearnasyna jasaǵan málimdemesinde «Hezbolla» kóshbasshysy, sheıh Hassan Nasralla birinshi ret ashyq túrde Saýd Arabııasyn aımaqtyń musylman sheıitterin ózderine tartýda degen aıyp taqty.
«Al Kaıda» lańkestik uıymymen baılanysy bar Islamdyq top aǵymdaǵy jyldyń 19 qarashasy kúni bolǵan oqıǵaǵa qatysty jaýapkershilikti óz moıyndaryna aldy. Sol kezde Iran elshiliginde 23 adam qurban boldy. Olardyń arasynda bir Iran elshisi men qaýipsizdik qyzmetiniń alty qyzmetkeri bar. Lańkester bul áreketterin «Hezbolla» men Irannyń Sırııadaǵy qaqtyǵysqa qatysýyna jaýap dep otyr.
Sheıh Nasralla óz málimdemesiniń Saýda Arabııasy arnaıy qyzmetteriniń Beırýtte bolǵan eki jarylysta lańkesterge kómektesip, qoldaý kórsetkenin dáleldeıtin aıǵaqtar negizinde jasalǵanyn aıtty.
Osy ýaqytta, Lıvandaǵy Trıpolı qalasynyń qaýipsizdik máselesi qıyndap barady. Bul aımaqta Sırııadaǵy búlikshilerdi qoldaýshy sýnnıt toptary men alavıtterden turatyn Arab demokratııalyq partııasynyń tártip saqshylary qyrqysýda. Trıpolıdaǵy qaqtyǵystardyń saldarynan aǵymdaǵy jyly júzden astam adam qurban boldy.
