«Hezbolla» uıymy aqparattyq qyzmetiniń basshysy qaza tapty
ASTANA. KAZINFORM – Beırýttiń ortalyq bóligindegi Ras-en-Nabaa aımaǵyna Izraıl áskerı-áýe kúshteri júrgizgen shabýyl kezinde «Hezbolla» uıymy aqparattyq qyzmetiniń basshysy Muhammed Afıftiń qaza tapqany belgili boldy. Bul týraly TASS agenttigi jazdy.
Al Jadeed telearnasynyń habarlaýynsha, Afıf Sırııany qoldaıtyn Arab Sotsıalıstik Qaıta jańǵyrý partııasynyń shtab-páteri ornalasqan ǵımaratta bolǵan jáne kem degende eki zymyran soqqysyna ushyraǵan.
Respýblıkanyń Densaýlyq saqtaý mınıstrliginiń habarlaýynsha, úsh beıbit turǵyn jaralanǵan.
Buǵan deıin Izraıl armııasy Hezbolla jetekshisi Hasan Nasrallanyń qaıtys bolǵanyn habarlaǵan bolatyn. Sodan keıin jańa basshy saılandy.
Aıta keteıik, Izraıl armııasynyń Lıvannyń ońtústigindegi jerústi operatsııasy qazannyń 1-ine qaraǵan túni bastaldy.
HAMAS baqylaıtyn Palestına Densaýlyq saqtaý mınıstrliginiń málimeti boıynsha, Gazadaǵy bir jylǵa sozylǵan qaqtyǵystarda 43 myńnan astam adam qaza tapty, biraq olardyń qanshasy beıbit turǵyndar ekeni naqtylanbaǵan.
