«Hezbolla» Sırııa áskerimen birge Kýseır qalasyna shabýyl jasady
ASTANA. 20 mamyr. QazAqparat - Lıvandyq «Hezbolla» uıymy Sırııa úkimeti áskerine qosylyp, kóterilisshiler baqylaýyndaǵy Kýseır qalasyna shabýyl jasaı bastady.
Sırııa memlekettik telearnasynyń habarlaýynsha, úkimet kúshteri jeksenbide Lıvanmen shekaraǵa jaqyn súnnıt musylmandary turatyn qalany artıllerııamen atyp, áskerı ushaqtardan bombalaǵan. Úkimet kúshteri birneshe mańyzdy nysandardy basyp alyp, qala ortalyǵyna jaqyndady, dep habarlaıdy «Azattyq».
Oppozıtsııalyq Syrian Observatory for Human Rights uıymynyń deregi boıynsha, shabýyldarda 52 adam mert bolǵan.
Al Izraıl premer-mınıstri Benıamın Netanıahý buǵan deıin Tel-Avıv «Hezbollanyń» Sırııadan qarý-jaraq alýyna qarsy amaldar qoldanýǵa daıyn» ekenin málimdedi.
Kýseır qalasy Damaskini Tartýs jáne Latakııa qalalarymen jalǵastyratyn avtomagıstraldardyń birine jaqyn ornalasqan. Kóterilisshiler osy aımaq arqyly Lıvannan kontrabandalyq qarý tasymaldaıdy degen boljam bar.
