Herson Asevedo «Qaırat» komandasynyń oıynshysy atandy
ALMATY. QazAqparat - Fýtboldan Chılı qurama komandasynyń burynǵy oıynshysy, 28 jastaǵy ortalyq jartylaı qorǵaýshy Herson Asevedo «Qaırat» komandasymen kelisim-shart jasasty. Bul týraly búgin Sports.kz portaly málim etti.
Aıta ketelik, buǵan deıin Gerson Elıas Asevedo Rohas óz elinde «Kolo-Kolo», «Ýnıon Espanola», «Pýerto-Montt» jáne «Antofagasta» komandalary jáne Ekaterınbordyń (Reseı) «Ýral» jáne Saranskiniń «Mordovııa» komandalary sapynda óner kórsetken.
Ulttyq qurama sapynda 2011 jyly Meksıka quramasymen bolǵan matchta oınady.
Transfermarkt.de saıtynyń habarlaýynsha, Asevedonyń transferlik quny 3 mıllıon eýrony quraǵan.
