Hermès murageri bar baılyǵyn baǵbanyna qaldyrmaqshy

Múlki 9-10 mlrd shveıtsar franki bolatyn Nıkolıa Pýesh baılyǵynyń bir bóligin burynǵy baǵbanyna bermekshi. Buǵan deıin balasy joq boıdaq-mıllıarder dezınformatsııamen kúresetin qormen muragerlik týraly kelisimge qol qoıǵan bolatyn. Kazinform bul týraly Euronews-ke silteme jasap habarlaıdy.

Hermès frantsýz sán úıiniń negizgi aktsıoneri 80 jastaǵy Nıkolıa Pýesh óziniń burynǵy baǵbanyn asyrap alyp, oǵan mıllıardtaǵan baılyǵyn mura etik qaldyrmaqshy.

Tribune de Genève habarlaýynsha, teriden buıymdar jasaıtyn brend aktsııalarynyń 5-6%-ne ıelik etetin Pýesh baılyǵynyń bir bóligin qarapaıym marokkandyq otbasynan shyqqan, burynǵy baǵban ári qara jumysshy 51 jastaǵy azamatqa bergisi keledi.

Jyl saıyn Shveıtsarııadaǵy 300 baı adamnyń reıtıngin jasaıtyn Bilan jýrnalynyń dereginshe, onyń baılyǵy 9-10 mıllıard shveıtsar franki (9,4-10,4 mıllıard eýro) dep baǵalanǵan.