Heritage Auctions bássaýda úıi 1,9 myń sırek kezdesetin monetalardy saýdaǵa shyǵardy
ASTANA. 15 qańtar. QazAqparat - Heritage Auctions bássaýda úıi Nıý-Iorkte tanymal nýmızmat Erık Nıýmannyń 102 jyldyǵyna arnalǵan kollektsııadan alynǵan sırek kezdesetin monetalardy
saýdaǵa shyǵardy. Bul týraly seısenbi kúni ITAR-TASS-tyń tilshisine Heritage Auctions-tyń qoǵammen baılanys boıynsha dırektory Noı Flaısher habarlady. «Seısenbi kúni bastalyp, beısenbide aıaqtalatyn saýdada Nıýmannyń kollektsııasyndaǵy 150 memleketten jınalǵan 1,9 myńǵa jýyq moneta tanystyrylady», - dep atap ótti Flaısher.
Heritage Auctions ókiliniń sózine qaraǵanda, Mıssýrı shtatynyń burynǵy advokaty qazir jasy 102-ge kelgen Erık Nıýman kollektsııa jınaýdy 1930 jyldary bastap, ol úshin 7,5 myń dollar kóleminde aqsha jumsaǵan.
Qarasha aıynda Nıý-Iorkte ótken saýdada nýmızmattyń kollektsııasyndaǵy Amerıkanyń 1,8 myń monetasy 23 mln. dollarǵa satylǵan, osyǵan uqsas basqa básaýdalar da sátti ótti.
