Heops pıramıdasynyń jasyryn bólmeleri tabyldy
ASTANA. QazAqparat - Heops pıramıdasynyń jer qoınaýlarynda halyqaralyq ǵalymdar toby buryndary adam balasyna beımálim bolǵan eki jasyryn bólmeni tapty. Ejelgi mazardyń bul bólmeler ınfraqyzyl sáýlemen skanerleý arqyly jáne mıondy tomografııa jasaý barysynda anyqtalǵan, dep jazady massaget.kz.
Bólmeniń bireýi kiretin esikterdiń soltústik jaǵynda bolsa, ekinshisi - soltústik-shyǵys bóliginde ornalasqan. Bul jasyryn bólmelerdiń bir-birimen baılanysy bar bolýy múmkin. Zertteýlerdiń qorytyndysy zerthanaǵa jiberiledi, onda mamandar vırtýaldy modeldeý arqyly bólmelerdiń aýqymyn anyqtaıtyn bolady.
Aıta keteıik, birneshe arheologtar jańa tabylǵan bos oryndardyń bólme emestigin aıtady. Olardyń aıtýynsha, bular faraonnyń jasyryn bólmesi emes, nebári tas qalaýdaǵy qatelikter.
Scan Pyramids jobasynyń aıasynda Egıpetten jáne Frantsııadan kelgen ǵalymdar Gızadaǵy Hefrena pıramıdasyn jáne Dahshýrda eki pıramıdany zerttep jatyr eken.
