Henrık Karlson «Barys» komandasynda taǵy bir jylǵa qalatyn boldy
NUR-SULTAN. QazAqparat - Elordalyq «Barys» qaqpashy Henrık Karlsonmen 2021 jyldyń 30 sáýirine deıingi kelisimshartqa qol qoıdy, dep habarlaıdy QazAqparat tilshisi komanda saıtyna silteme jasap.
Henrık Karlson 1983 jyldyń 27 qarashasynda dúnıege kelgen. Shvetsııa, Kanada, AQSh, Reseıdiń birneshe komandasynda oınaǵan. Ol «Barys» komandasynda 2016 jyldan beri oıyn kórsetip keledi. Sondaı-aq, qaqpashy Qazaqstan quramasy sapynda birneshe kezdesýge qatysty.
Qaqpashy ótken Qurlyqtyq hokkeı lıgasy turaqty chempıonatynda 20 oıyn ótkizdi. Onyń ishinde 12 kezdesý elordalyq klýbtyń basymdyǵymen aıaqtaldy.
Bıyl Henrık Karlson basqa komandaǵa aýysýy múmkin degen joramal aıtylǵan edi. Degenmen ol komandamen kelisimshart merzimin uzartýǵa nıet bildirdi.
Budan buryn «Barys» quramyna kanadalyq hokkeıshi qosylǵan bolatyn.
