Helloýındaǵy hıkaıa: Amerıka haıýanattar baǵynda jolbarysty sıpamaq bolǵan áıel qolynan aıyryla jazdady
ASTANA. QazAqparat - Amerıkanyń Nebraska shtatynyń haıýanattar baǵynda torǵa kirip, jolbarysty sıpaǵysy kelgen áıeldi jyrtqysh talap tastady.
33 jastaǵy Jaklın Eıd Helloýın kúni Omaha's Henry Doorly Zoo haıýanattar baǵyna kúzetshilerge bildirtpeı kirip ketti. Sol kezde jyrtqysh onyń qolynan tistep aldy. Dárigerler aýrýhanaǵa jetkizilgen Eıdtyń qatty jaralanǵan saýsaqtaryn saqtap qaldy.
«Aýrýhanada Eıd qyzmetkerlermen dóreki sóılesken. Ol mas nemese esirtkige eltigen bolýy múmkin», - dep naqtylady polıtsııanyń ókilderi. Olar haıýanattar baǵyna Jaklınmen birge taǵy bir adam kirgenin, biraq ol jolbarystyń toryna kirmegenin aıtty.
Haıýanattar baǵynyń atqarýshy dırektory Dennıs Peıt osy oqıǵadan keıin mekeme basshylyǵy qaýipsizdik sharalaryn kúsheıtkenin aıtty: aýmaqty jaryqtandyrý jaqsartylyp, baqylaý taspalarynyń sany kóbeıtilgen, al zoobaq kireberisterine kompıýterlendirilgen qulyptar salyndy, dep jazady Lenta.rý.
