«Helios» basshylyǵy Almatydaǵy alapat órt kezinde múlikterine zaqym kelgen turǵyndarǵa shyǵyndy óteıdi
ALMATY. 28 maýsym. QazAqparat - Almaty qalasynyń ákimi Ahmetjan Esimov «Helios» kompanııasynyń basshylyǵymen kezdesip,
apattyń jáne kompanııaǵa tıesili jaǵarmaı tasıtyn kóliktiń janyp ketýinen japa shekken turǵyndarǵa ótemaqy tóleý máselesin talqylady. Bul týraly shahar jetekshisiniń baspasóz qyzmetinen habarlady.
«Helios» basshylyǵy alapat órt kezinde múlikterine zaqym kelgen barlyq turǵyndarǵa shyǵyndaryn óteýge ýáde berip otyr.
Eske sala keteıik, iri jol apaty keshe saǵat 10.00 shamasynda oryn alǵan. «Helios» kompanııasyna tıesili janarmaı tasıtyn kólik aǵashqa soǵyldy. Saldarynan benzın jerge jaıylyp, ol qyzyl jalynǵa orandy. Órtten Seıfýllın dańǵylyndaǵy №510 turǵyn úıdegi 20-ǵa jýyq páter jáne turaqqa qańtarylǵan birneshe temir tulpar zaqymdandy. Janarmaı tasyǵan kóliktiń júrgizýshisi oqıǵa ornynda ajal qushty.
