Helsınkıde ushaq kreslosynan balany aranyń kómegimen alyp shyqty
ASTANA. QazAqparat - Helsınkı áýejaıyndaǵy ushaqtardyń birinde balanyń saýsaǵy ushaq kreslosyna qysylyp qalǵan. Ony kreslony kesip shyǵarýǵa týra keldi, dep habarlady Rosbalt.
Yle.fi habarlaǵandaı, segiz jasar bala ushaq kreslosynyń astyndaǵy sańylaýǵa saýsaǵyn suqqan. Ony alyp shyǵýǵa árekettengende saýsaq isip ketti. Sóıtip onyń saýsaǵyn aranyń kómegimen shyǵarýǵa týra keldi.
Birinshi bolyp áýejaı qutqarýshylary kómekke keldi. Olar balanyń saýsaǵy qystyrylyp qalǵan shyntaq súıenishti kesýden basqa amal tappady. Keıin mýnıtsıpalıtettiń qutqarýshylary balany kesilgen shyntaq súıenishpen qutqarý stansasyna jetkizdi. Onda shyntaq súıenishti aqyryndap kesý arqyly saýsaqty aman saqtap qaldy.
Qutqarý operatsııasyna shamamen jarty saǵat ýaqyt ketti.
