Helsınkıde ózdiginen júretin avtobýstar synalýda
ASTANA. QazAqparat - Fınlıandııa astanasy Helsınkıde júrgizýshisiz ózdiginen júretin elektravtobýstar synalýda. Synaq jumystary qyrkúıek aıynyń ortasyna sheıin jalǵasady, dep habarlaıdy CNN.
EZ10 avtobýsyn EasyMile frantsýz kompanııasy jasap shyqty. Sáýir aıynda osy startap Dýbaı ákimshiligimen ózdiginen júretin avtobýstardy synaý týraly kelisim jasasty. Sondaı-aq osy avtobýstardy Japonııanyń saýda ortalyqtarynda adam tasymalyna paıdalanylý jóninde shart jasalǵan.
Qazir Fınlıandııa astanasynda eki avtonomdy avtobýs júr, olardyń testilik rejimdegi jyldamdyǵy saǵatyna 11 kılometrden aspaıdy. Olar Hernesaarı mańynda belgilengen baǵdarda qatynaýda. Óıtkeni eldiń zańy kólik júrgizýshisiniń rólde otyrýyn talap etetindikten, operator kamera arqyly qashyqtan jaǵdaıdy baqylap otyrady. Qandaı da bir oqıǵa bolyp jatsa ol basqarýdy óz qolyna alady.
