Helsınkıde «Qazaqstan áıelderi: tarıh jáne qazirgi zaman» fotokórmesi ashyldy
ASTANA. QazAqparat - Helsınkı qalasyndaǵy «Kaıaste» kórkemóner galereıasynda Qazaqstannyń Fınlıandııadaǵy Elshiliginiń Qazaqstannyń Іsker áıelder qaýymdastyǵymen birge uıymdastyrylǵan «Qazaqstan áıelderi: tarıh jáne qazirgi zaman» fotokórmesiniń saltanatty ashylýy ótti.
Bul týraly QR SІM baspasóz qyzmetinen habarlady.
Qazaqstannyń Táýelsizdik kúni qarsańynda ótip jatqan fotokórme eki el arasyndaǵy mádenı-gýmanıtarlyq yntymaqtastyqty damytýdaǵy mańyzdy oqıǵa boldy. Іs-sharanyń negizgi maqsaty qazaqstandyq áıelderdiń áleýeti men olardyń demokratııa jáne genderlik teńdikti damytýdaǵy belsendi úlesin kórsetý boldy. Fotokórmeni qonaqtardyń nazaryna usynylǵan qazaqstandyq áıelderdiń beınelerimen «Týǵan jerimniń áıelderi» áıgili kórkemóner sheberleriniń albomdary tolyqtyrdy.
Ashylý saltanatynda Qazaqstannyń Fınlıandııadaǵy Elshisi Ǵalymjan Qoıshybaev, Fınlıandııanyń Syrtqy ister mınıstrliginiń Genderlik teńdik boıynsha Elshisi Tarıa Reponen jáne «Juldyz» Ortalyq Azııa qaýymdastyǵynyń basshysy Mavlıýda Peıponen sóz sóıledi.
Óz sózinde Elshi Ǵ.Qoıshybaev Qazaqstanda genderlik teńdikti saqtaý memlekettik áleýmettik jáne otbasy-demografııalyq saıasatyndaǵy ajyramas quramy bolyp tabylatyndyǵyn, sondaı-aq áıelder áleýetin júzege asyrý elimizdiń áleýmettik-ekonomıkalyq jetildirýiniń mańyzdy sharty ekendigin atap ótti.
Elshi T.Reponen Qazaqstannyń genderlik teńdikti jyljytýdaǵy belsendiligin qoldaı otyryp, qonaqtarǵa Fınlıandııanyń genderlik teń quqyqtyqta negizgi bastamalary týraly málimdedi.
Kórmeniń ashylý saltanatyna Fınlıandııanyń syrtqy ister, mádenıet jáne bilim mınıstrlikteriniń, qazaq dıasporasynyń, «Qazaqstan dostary» klýbynyń ókilderi jáne qazaqstandyq stýdentter qatysty.
Fotokórmemen tanysýǵa nıet bildirýshiler úshin galereıanyń esigi apta boıy ashyq bolady.
