Helsınkıde 104 jyldyq aǵash tramvaı júıitkip júr
ASTANA. 23 mamyr. QazAqparat - Helsınkıde jaz boıy eski aǵash tramvaıǵa minip, qydyrýǵa múmkindik bar.
Aıta keter jaıt, onyń qurastyrylǵanyna 104 jyl tolǵan.
Qoǵamdyq kólik qalalyq tramvaı parkiniń quramynda 1909 jyldan 1956 jylǵa deıin jolaýshylarǵa qyzmet kórsetken. Paıdalaný merzimi aıaqtalǵan soń esepten shyǵarylǵan. 2010-2013 jyldar ishinde tramvaıdy qaıta qalpyna keltirý jumystary atqaryldy. Onyń basym bóligin estondyq qolóner sheberleri jasaǵan.
Endi jańa túrge engen qoǵamdyq kólik 18 mamyrdan 1 qyrkúıekke deıin ár senbi men jeksenbi kúnderi jolaýshylarǵa qyzmet kórsetedi. Dittegen jerge jetý úshin 5 eýro tóleý qajet.
