Helsınkı men Almaty arasynda jańa áýe reısi ashylady

HELЬSINKI. QazAqparat - Qazaqstan men Fınlıandııa arasynda áýe qatynasyn keńeıtý boıynsha ýaǵdalastyqqa qol jetkizildi, dep habarlaıdy QazAqparat Azamattyq avıatsııa komıtetine silteme jasap.

2019 jylǵy 3 jeltoqsanda qazaqstandyq delegatsııa Fınlıandııanyń avıatsııa bıligimen kelissóz júrgizdi.

«Memleket basshysynyń tapsyrmasymen engizilgen «ashyq aspan» rejımi aıasynda eki el arasynda aptasyna 14 reıske deıin, atap aıtqanda Helsınkı - Nur-Sultan baǵyty boıynsha 7 reıske, Helsınkı - Almaty baǵyty boıynsha 7 reıske deıin ushý jıilikter sany artty» delingen habarlamada.

«Finnair» áýe kompanııasy 3 jyl boıy Nur-Sultan - Helsınkı baǵyty boıynsha ushýda.

Jańadan qol jetkizilgen ýaǵdalastyq negizinde Nur-Sultanǵa oryndalatyn reıster sanyn ulǵaıtý jáne Almatyǵa reıs ashý josparlanyp otyr.