Helsınkı-Astana reısi keıin Almatyǵa aýystyrylady
ASTANA. QazAqparat - Qazaqstannyń Fınlıandııadaǵy Tótenshe jáne Ókiletti elshisi Murat Nurtileýovtiń aıtýynsha, EKSPO-2017 kórmesinen keıin Helsınkı-Astana áýe reısi Almaty qalasyna aýystyrylady, dep xabarlaıdy QazAqparat tilshisi.
"Astana-Helsınkı tikeleı áýe reısiniń ashylatynyn jaqsy bilesizder. Biz EKSPO-2017 kórmesi bitken boıda ony Almaty qalasyna aýystyrý týraly kelissózderdi jalǵastyratyn bolamyz", - dedi M. Nurtileýov búgin Astanada ótken baspasóz máslıxatynda.
Aıta keteıik, búgingi brıfıngte elshi Nurtileýov Fınlıandııanyń prezıdenti Saýlı Nınnısteniń Astanadaǵy EKSPO-2017 Halyqaralyq kórmesine keletinin xabarlady . Buǵan deıin Syrtqy ister mınıstrligi taratqan málimetke sáıkes, 19 maýsymnan bastap Astana-Helsınkı baǵyty boıynsha eki el arasyndaǵy tikeleı áýe reısi ashylady .
