HBO telearnasy Golovkın-Maklın kezdesýin 2013 jyldyń úzdikter tizimine engizdi. VIDEO
ASTANA. 13 jeltoqsan. QazAqparat - WBA nusqasy boıynsha ortasha salmaqta álem chempıony, qazaqstandyq Gennadıı Golovkın men brıtandyq Mettıý Maklın arasyndaǵy kezdesý HBO telearnasynyń nusqasy boıynsha jyldyń úzdik on kezdesýiniń qataryna endi, dep habarlady vesti kz.
Eske sala keteıik, bul kezdesý 30 maýsym kúni Mashantaketede ótken bolatyn. Golovkın óziniń qarsylasyn úshinshi raýndta jeńip, onyń soqqysynan brıtandyq boksshy birneshe mınýt boıy ornynan tura almady. Bul qazaqstandyq sportshynyń ótkizgen 27 kezdesýindegi 27-shi jeńisi boldy.
Golovkın men Maklın kezdesýi HBO telearnasynda 25 jeltoqsan kúni Boxing's Best baǵdarlamasynyń aıasynda qaıtalap kórsetiledi.
