«Haııan» taıfýnynyń qurbandary 5 myńnan asty
ASTANA. 22 qarasha. QazAqparat - Eki apta buryn Fılıppındegi «Haııan» joıqyn taıfýny saldarynan qaza bolǵandardyń sany 5 myńnan asty. Bul týraly jergilikti bılik habarlady, dep jazady VVS.
Tótenshe jaǵdaılar boıynsha ulttyq agenttik málimetine qaraǵanda, resmı túrde 5209 adamnyń ólimi rastaldy. Alaıda, qazirge deıin kóptegen azamattar iz-tússiz joǵalǵandar sanatynda júr. «Haııan» taıfýny Fılıppınniń tarıhyndaǵy eń joıqyn tabıǵı apat retinde tanyldy. Ótken aptada BUU taıfýnnan 13 mıllıonnan astam fılıppındik zardap shekkenin, onyń ishinde 5 mıllıony balalar ekenin habarlady. Belgili bolǵandaı, tabıǵı apat saldarynan jarty mıllıonnan astam adam baspanasyz qalyp, búginde ashyq aspan astynda kúneltýde.
