«Haıvıll Qazaqstan» kompanııasy Túrkistanda jumys isteýge nıetti
TÚRKІSTAN. QazAqparat - Túrkistan oblysynyń ákimi Janseıit Túımebaev «Haıvıll Qazaqstan» kompanııasynyń bas dırektory Djon De Kangty qabyldady. Kezdesýde taraptar ekijaqty áriptestikti kúsheıtip, Túrkistan qalasyn damytý máselelerin sóz etti, dep habarlaıdy Qazaqparat tilshisi.
«Haıvıll Qazaqstan» kompanııasynyń bas dırektory Djon De Kang Túrkistan qalasynda túrli áleýmettik nysandar men kópqabatty úıler salýǵa nıetti ekenin jetkizdi. Al, óńir basshysy qurylys salasynda ózindik orny bar koreıalyq kompanııamen birlesip jumys isteýge daıyn ekenin jetkizdi.
«Túrkistan qalasyn damytý Elbasymyz Nursultan Nazarbaevtyń tikeleı baqylaýynda tur. Aldymyzda aýqymdy mindetter bar. Qazirdiń ózinde Túrkistanda ǵımarattar salýǵa kóptegen kompanııalar qyzyǵýshylyq tanytyp jatyr. Sizderdi de birge jumys isteýge shaqyramyz. Kelissózimiz sátti aıaqtalsa, jer berilip, ınfraqurylym tartylady. Zaman talabyna saı nysandardy salýǵa múmkindikterińiz bar», - dedi Janseıit Túımebaev.
Kezdesýde oblys ákimdigi men kompanııa basshylyǵy aldaǵy ýaqytta da kelissózderdi jalǵastyrý jóninde ýaǵdalasty. Jıynnan soń koreıalyq kompanııa ókilderi Túrkistan qalasyn damytý jónindegi jobalar men josparlarmen tanysty.
