Haıvıldegi órt: Qaza tapqan sheteldik Nazarbaev Ýnıversıtettiń professory bolǵan
ASTANA. QazAqparat - «Nazarbaev Ýnıversıtet» AQ baspasóz qyzmeti «Haıvıl» TK órt saldarynan qaza tapqan sheteldiktiń ýnıversıtet qyzmetkeri bolǵanyn rastady, dep habarlaıdy QazAqparat.
«Kendjı Elaı 2016 jyldyń maýsym aıynan beri Nazarbaev Ýnıversıtettiń Medıtsına mektebinde professor bolyp jumys istegen. Ol Lester ýnıversıtetiniń (Ulybrıtanııa) Medıtsına doktory dárejesin alǵan jáne 40 jyldan astam ýaqyt boıy Nıgerııada, Omanda, Kýveıt pen Ulybrıtanııada medıtsına salasynda ǵylymı-zertteý jáne ustazdyq qyzmetpen aınalysqan. Bul ýaqyt aralyǵynda jeti ǵylymı-zertteý grantyn jeńip alyp, júzege asyrǵan», - dep habarlady baspasóz qyzmeti.
Professormen birge onyń áıeli jáne eki qyzy da mert boldy.
Nazarbaev Ýnıversıtettiń basshylyǵy men ujymy orny tolmas qazaǵa ókinish bildiredi jáne professor Elaıdjı Kehındeniń týystary men jaqyndaryna kóńil aıtady.
Eske sala ketsek, búgin tańerteń «Haıvıl» TK páterinen órt tutanyp, 4 adam qaza tapty. Astana qalasy ІІD anyqtaǵandaı, qaza tapqandar - 1953 jyly týǵan Nıgerııa azamaty, onyń zaıyby - 1963 jyly týǵan Ulybrıtanııa azamatshasy, 8 jáne 17 jastaǵy kámelettik jasqa tolmaǵan balalar ekeni anyqtaldy. Aldyn ala boljam boıynsha, órt jelilerdiń tuıyqtalýynan tutanǵan.
