«Haıvıldaǵy» adam ómirin jalmaǵan órt oqıǵasyna eshkim kináli bolmaı shyqty
ASTANA. QazAqparat - Byltyr jazda «Haıvıl» turǵyn úı kesheninde oryn alyp, sheteldik muǵalim men onyń januıasynyń ómirin jalmaǵan órtke eshkim kináli bolmaı shyqty, dep habarlaıdy «QazAqparat» HAA.
Astana qalasy Іshki ister departamenti arnaıy saraptama jumysynan keıin osyndaı sheshim shyǵarǵan.
«Órt oqıǵasy tolyqtaı zertteldi. 2017 jyly 14 maýsymda Sotqa deıingi tergeýdiń biryńǵaı reestrine QR QK 292-baby 3-bóligi boıynsha tirkelgen qylmystyq is óndirisi qylmystyq quqyq buzýshylyq árekettiń bolmaýyna baılanysty toqtatyldy. Sotqa deıingi tergeý barysynda arnaıy saraptamalar taǵaıyndaldy» delingen ІІD habarlamasynda.
Eske sala keteıik, 2017 jyly «Haıvıl» turǵyn úı kesheninde órt bolyp, ys tııýden 4 adam qaza tapqan edi. Onyń 2-eýi - bala. Keıin anyqtalǵandaı, olardyń bári bir januıanyń múshesi bolǵan.
