Haıýanattar baǵynda jolbarystar jas jigitti talap tastady
ASTANA. 13 shilde. QazAqparat - Kopengagenniń haıýattar baǵynda jolbarystar jas jigitti talap tastady. Bul týraly búgin dat astanasynyń polıtsııasy habarlady, dep jazdy ITAR-TASS.
Polıtsııa basqaramasyna haıýattar baǵynan kelip túsken aqparatqa sáıkes, jolbarystarmen birge tordyń ishinde jas jigittiń máıiti tabyldy, dep habarlady kezekshi ofıtser Henrık Orıýe.
«Biz jigitti kórý úshin jolbarystardy jabyq torǵa kirgizdik. Jas jigit shynymen de qaıtyp ketken. Onyń janynda 3 jolbarys anyqtaldy. Jolbarystardyń oǵan shabýyl jasaǵany aıdan anyq», - dedi Orıýe.
Polıtsııa habarlaǵandaı, tabylǵan qujattarǵa sáıkes, qaza bolǵan jigit Danııada turyp jatqan 21 jastaǵy sheteldik azamat bolyp shyqty. Onyń moıyn tusynda, beti men keýde, jambas jáne sanyndaǵy aýyr jaraqattar óliminiń sebebi boldy.
Polıtsııa bul oqıǵa ózin-ózi óltirý dep boljaýda. «Ol ózin-ózi óltirýi ábden múmkin. Sebebi tordyń ishine kirý úshin bıik metallıkalyq qorshaýdan ótip, sýdan sekirý qajet», dedi ol.
