Haıýanattar baǵynda eshki men jolbarys besinshi tún birge túnep júr
ASTANA. QazAqparat - Buǵan deıin Tımýr dep atalyp ketken eshkini Amýr jolbarysynyń toryna azyq retinde kirgizgeni týraly habarlanǵan, biraq jyrtqysh ań ony jegen joq. Eger buǵan deıin jolbarys tańerteń tordan ózi shyǵyp júrse, endi eshkiniń sońynan júretinin kútip turatyn boldy.
Jolbarys Amýr men onyń azyǵyna aınalýy tıis bolǵan eshki Tımýr endi bir torda tirshilik etetin boldy, sebebi bul eki janýar dostasyp úlgerdi, dep habarlady RIA Novostı agenttigine Prımore safarı saıabaǵynyń dırektory Dmıtrıı Mezentsev.
Buǵan deıin jolbarysqa azyq retinde ákelingen eshkige jyrtqysh tımegeni habarlanǵan, sebebi Tımýr batyldyǵyn tanytyp, ony qasyna jolatpaı qoıdy. Aqyry eshki jolbarystyń jatatyn ornyna jaıǵasyp ta aldy.
«Amýr men Tımýrdyń bir torda túnep júrgenine besinshi tún boldy. Eger buryn jolbarys tordan jalǵyz shyǵyp júrse, endi artyna qarap, eshkiniń sońynan eretinin kútip turatyn boldy. Biz Amýr Tımýrdy jemeıdi dep oılaımyz, sebebi ol ony azyq retinde emes, teńdesi retinde kóredi», - dedi Mezentsev.
