Haıýanattar baǵynda alǵash ret tórt qonjyq týdy
ASTANA. QazAqparat - Tomskiniń jyljymaly haıýanattar baǵyndaǵy Masha esimdi aıý altynshy urpaǵyn dúnıege ákeldi, bul rette birden tórt qonjyq týylǵan, dep habarlady TASS agenttigine haıýanattar baǵynan.
«Bizdiń haıýanattar baǵynyń jumys istep júrgenine 15 jyl boldy, búkil tarıhynda alǵash ret tórt qonjyq týdy. Ádette eki-úsh qonjyqtan bolýshy edi, biraq tórtem - sırek jaǵdaı. Bul Masha men Goshanyń altynshy urpaǵy. Buǵan deıin Masha Ýlan-Ýde, Blagoveşenstvo, Habarovsk, Ýssýrıısk jáne Kamchatkada urpaq ákelgen», - dep baıandady haıýanattar baǵynda.
Haıýanattar baǵy ókiliniń aıtýynsha, qonjyqtardyń árqaısysynyń salmaǵy shamamen 300-400 gramm. «Anasynyń súti jaqsy bolýy úshin, oǵan qosymsha túrde jumyrtqa, sút, qant, torttar, bal berip otyrmyz», - dep atap ótti ol.
